Kynjuð fjármál er femínísk aðferðafræði sem beitt er við gerð fjárhagsáætlana með því að hafa kynja- og jafnréttis-sjónarmið til hliðsjónar við allt ferlið.

Tekju- og útgjaldadreifing hins opinbera hefur áhrif á okkur öll, en áhrifin geta verið ólík eftir stöðu okkar í samfélaginu.

Kynjuð fjármál leitast við að breyta stefnum, áætlunum og úthlutun fjármagns og annarra gæða þannig að ætíð sé leitast við að stuðla að jafnrétti og valdeflingu kvenna og jaðarsettra hópa.

Á Íslandi hafa Stjórnarráð Íslands og Reykjavíkurborg innleitt kynjaða fjármálastjórn.